Lijneya Polîtîkaya Pere ya Bankaya Navendî ya Komara Tirkîyeyê (TCMB) berîya Hilbijartina Serokomarîyê û Hilbijartina Serdema 28emîn a ku wê di 14ê Gulanê bê kirin, wê biryara dawî ya faîzê îro piştê nîvro demjimêr di 14.00an de eşkere bike.

Hêvî ew e ku Bankaya Navendî rêjeya polîtîkaya ku ji sedî 8,5 e, sabît bihêle. Bankaya Navendî ku di meha sibatê de biryar da ku faîzê bi 50 pûanan kêm bike, di meha Adarê de jî rêjeya faîzê sabît hiştibû. Di metna ku piştê civîna dawî ya Lijneya Polîtîkaya Pere ya di meha Adarê de hatibû weşandin de wiha hatibû îfade kirin, "Lijne di wê bawerîyê de ye ku helwesta polîtîkaya diravî biparêze û têr dike ku piştgirî bide dabînkirina pêdivîya piştê erdhejê."