Ji ber lehîya ku li Bismilê qewimî pira gundê Çakili hilweşîya.

Ji ber barana gur ya ku di 19ê Mijdarê de li Amedê û bajarên herêmê barî lehî rabû. Di lehîyê de zarok jî di nav de tewahî 9 kes mirin.

Li navçeya Çermûgê di 19’ê Mijdarê de di encama birûskê de Mîthat Altunbaş ê 45 salî jîyana xwe ji dest da. Pira Gundê Çakiliyê ku li Bismilê ye û di navbera navenda navçeyê û gundan de rêyeke girîng e, hilweşîya.

Welatîyan daxwaz kirin ku pira ku ji gund û navenda bajêr girê dide, bê temîrkirin. Hat dîyarkirin ku li gund welatîyên nexweş jî hene û welatîyên ku dixwazin ji gund ber bi navenda navçeyê ve herin gelek zehmetîyan dikşînin.

Welatîyan bang li rayedaran kirin ku ji bo lehîya duyemîn tedbîran bigirin.