Lijneya Bilind a Hilbijartinê (YSK) biryar da ku li taxên ku hejmara hilbijêran ji 9 kesan kêmtir bin komîteyên sindoqan li wê deverê neyê avakirin.

Lijneya Hilbijartinê ya Navçeya Cizîrê ji Serokatîya YSK'ê re name şand û dîyar kir ku li gundê Çetînkaya yê navçeya Gûçlûkonakê sifir, li gundê Agaçyûrdû 2 û li gundê Demîrbogazê 7 hilbijêr hene, digel vê yekê pirsî ku wê sindoqên dengdanê bên danîn an na? YSK'ê di lêkolîna mijarê de biryar da ku hilbijêrên li van gundan di nav sindoqên li taxên herî nêzîk ên ku lijneyên hilbijartinê yên navçeyan ên eleqedar dîyar dikin de cih bigirin û ev pêvajo ji hêla Midûrîyeta Giştî ya Lîsteya Hilbijartinê ya SEÇSÎS'ê ve wê bê meşandin.