Li Geverê piştê 3 erdhejên li dû hev, îro saet derdora 01.28’an de li heman herêmê erdhejek din çêbû.

Duh li navçeya Geverê ya Colemêrgê di navbera nîv saet de 3 erdhejên bi lerza 4,4, 3,5 û 4,5 pêk hatin. Hat ragihandin ku îro saet derdora yek û nîvan de li heman herêmê erdhejek din jî bi pileya 3,8 pêk hat.

Dîsa di saet 01.45an de li bajêr erdhejeke din a bi pileya 2,1 pêk hat. Hat diyarkirin ku di lêkolîna qadê ya ku ji alîyê AFADa Midûriyeta Parêzgehê ya Hawirdor, Bajarvanî û Guherîna Avhewayê ve hat kirin de tu tespîteke ku bandoreke neyînî li jiyana giştî ya herêmê bike derneket.