Seroka Odeya Tabîban a Amedê Elîf Turan dîyar kir ku divê li sazîyên tenduristiyê yên ji erdhêjê bandor bûne tedbîrên pêwîst bên girtin.

Elîf Turan ji Rojnameya Tîgrîs Saît Bayram re axivî û wiha got, “Li Amedê bi taybetî li navend û hin navçeyan, 7 avahîyên ku xizmetên tenduristîyê didin, ji ber ku xisareke mezin dîtine, tê pêşbinîkirin ku wê bên hilweşandin.

3 avahîyên Midûrîyeta Tenduristîyê ya Navçeyê û 1 tesîsên tenduristîyê hewceyê bi xurtkirinê ne, 6 tesîs jî hewceyî nûkirinê ne. Pêwîste van xebatan bêyî ku roj bi ser bikeve di zûtirîn dem de bên kirin.

Turan dîyar kir ku li nexweşxaneyên dewletê, taybet û zanîngehê (sazîyên tenduristîyê yên asta 2 û 3) ti bandoreke erdhêjê çênebû ku xizmetên tenduristîyê asteng bikin, li Amedê 11 xebatkarên tenduristîyê ku di nav wan da 2 bijîjk û ​​xwendekarek pola 5emîn a tenduristîyê jî hene, jîyana xwe ji dest dan.