13 pisîkên ku di sîteya Dîyar Galerîayê de asê mabûn hatin rizgar kirin. Li Amedê hilweşîna Navenda Kar ya Dîyar Galeria û sîteya jorê wê ya ku ji ber erdhejên navenda Mereşê zirareke mezin dîtibû, piştî ku pisîkek li hundir hat dîtin, hatibû rawestandin.

Di lêkolînan de 13 pisîk hatin rizgarkirin û ji alîyê beytarên girêdayî Midûrîyeta Karên Tenduristîyê ve hatin derman kirin û pisîk radestî xwedîyên wan hatin kirin. Şaredarîya Bajarê Amedê, dîyar kir ku li gor hevdîtinên bi şênîyan re û di encama xebatên lêgerîn û xilaskirinê de,  pisîk di bin kavilan de nemaye.