Hat dîyarkirin ku çala kûr a li ser Kolana Turkmen a Bismilê dibe sedema qezayên trafîkê.

Li gorê nûçeya Rojnameya Tîgrîs, Kolana Turkmen a Taxa Koperatîfê ya navçeya Bismilê ya Amedê ku weke rêya serwîsên dibistanê û rêya sereke ya gund tê bi karanîn, ji ber çala kûr gelek qezayên trafîkê yên bi xisara madî pêk tên.

Ajokarên wesayîtan ên ku mexdûr bûne bang li rayedaran kirin û wiha gotin: “Tevê ku me gelek caran serî li şaredarîyê da ku çalê sererast bikin, me ti encamekê bi dest nexist. Bi sedan wesayîtên servîsê vê kolanê bikar tînin. Piştê vekirina dibistanan em naxwazin ji ber çalan mirin û xisarên madî çêbin. Ji ber vê yekê em bi lezgînî li benda temîrkirina kolanê ne.”