Serokê Odeya Pîşesazî û Bazirganîyê ya Amedê (DTSO) Mehmet Kaya, dîyar kir ku berîya ragihandina kabîneya nû, li Amedê bi Alîkarê Serokkomarê yê nû Cevdet Yilmaz re hevdîtin pêk anîne û ji wî re behsa pirsgirêkên pêşxistina têkilîyên bazirganî yên bi Herêma Kurdistanê re kirine.

Kaya dibêje: “Cevdet Yilmaz got ew girîngîyeke gelek mezin didin pêşxistina peywendîyên bi Herêma Kurdistanê re.” Kaya dîyar kir ku ew ê careke din astengîyên li pêşîya pêşxistina peywendîyên bazirganî yên bi Herêma Kurdistanê, bi Yilmaz re parve bikin û ji bo çareserîyê ew ê alîkarîyê ji wan bixwazin. Kaya got ku ew ê daxwazên xwe yên ji bo zêdekirina geştên asmanî yên di navbera Herêma Kurdistanê û Tirkîyeyê de jî ragihînin.