Sazîya Ewlehîya Civakî (SGK) di Biryarnameya Bicîhkirina Tenduristîyê de rêziknameyê guhertin çêkir û 23 derman di rêziknameya vegerandina bihayan de cîh girt.

"Biryarnameya Derbarê Guherîna Biryarnameya Tenduristîyê ya Sazîya Ewlekarîya Civakî de" di Rojnameya Fermî de hat weşandin. Wezîrê Xebat û Ewlehîya Civakî Vedat Işikhan derbarê biryarnameyê de li ser hesabê xwe yê medyaya civakî daxuyanî da û dîyar kir ku di çarçoveya rêziknameya SUT ya SGKyê de 23 dermanên din jî ketine lîsteya vegerandina bihayan.

Wezîr Işikhan wan dermanan wek 5 dermanên antîanemîk, 5 dermanên antîpsîkotîk, 5 dermanên immunosuppressor, 4 dermanên penceşêrê, 2 dermanên pergala bêhnê, 1 dermanê ku di tedawîya tîroîdê de tê bikaranîn û 1 dermanê vîtamînê destnîşan kir.